Ellen Jones dy ymgeisydd Llafur Cymru ar gyfer Clwyd

Ellen Jones ydw i, ac rwi'n ceisio cael fy newis fel eich ymgeisydd Llafur Cymru dros Glwyd yn Etholiadau'r Senedd ym mis Mai 2026.

Clwyd yw fy nghartref. Dyma ble cefais fy magu, dyma ble rwy'n byw, a ble rwy'n magu fy nheulu.

Rydw i wedi treulio fy mywyd yn sefyll dros yr hyn sy'n iawn ac yn siarad dros y rhai sydd angen llais. Egwyddorion sydd wedi'u llunio gan fy mhrofiad fel gofalwr ifanc. Maen nhw'n cynrychioli fy ngwerthoedd o frogarwch, tegwch ac uchelgais i bobl Cymru.

Dyma’r hyn sy’n fy ysgogi wrth fynd ar drywydd cyfiawnder cymdeithasol yn fy ngwaith fel ymgyrchydd trydydd sector a lluniwr polisi, a pham rwy'n ymgyrchydd angerddol dros y Blaid Lafur.

Gan dyfu i fyny mewn pentref bach yng Nghlwyd, cefais fy magu mewn cartref un rhiant, ac roeddwn yn gofalu am fy mrawd anabl, Sam, sydd â syndrom Prader-Willi. O dan Lywodraeth Lafur, doedd gennym ni ddim llawer, ond roeddem yn teimlo'n ddiogel.

Newidiodd pedair-blynedd-ar-ddeg o gyni cyllidol y Torïaid hynny, gan ddileu'r gefnogaeth a'r sefydlogrwydd yr oedd teuluoedd fel fy un i yn dibynnu arnynt. Roedd yn anodd, ond dyna sydd wedi fy ngwneud i’n ymladdwr ac yn eiriolwr angerddol.

I mi, mae gwleidyddiaeth yn ymwneud â chreu newid cadarnhaol ym mywydau pobl. Roedd rhaid i mi roi rhywbeth yn ôl i'r Blaid a helpodd gymaint arnaf i yn fy mlynyddoedd cynnar, felly yn y Brifysgol, ymunais â Myfyrwyr Llafur ac rydw i wedi bod yn ymgyrchu ym mhob etholiad lleol, Senedd Cymru a Senedd y DU ers hynny, a dydw i erioed wedi edrych yn ôl.

Mae eiriolaeth wrth galon fy ngyrfa. Fel Llywydd UCM Cymru, arweiniais ymgyrch lwyddiannus i ymgorffori addysg perthnasoedd iach a rhywioldeb yng nghwricwlwm Cymru gan fynd i'r afael yn uniongyrchol â phryderon aelodau ynghylch aflonyddu rhywiol a thrais cynyddol yn erbyn menywod ar y campws. Rydw i wedi gweithio ar draws y trydydd sector ac ochr-yn-ochr â system wleidyddol Cymru i wthio am newid go iawn.